يابنت هاك الليل مظلم وحالك
من يوم ما ( حلمي ) بيدّك هدمتيه
العام يوميا ً تجدد اوصالك
واليوم صديتي ووصلك قطعتيه
اول تموتي لو تركت اتصالك
واليوم رقمي من جهازك مسحتيه
مدري وش اللي غيرك وش جرى لك
مدري ومدري .. والسبب كيف ! او ليه !
سبحان من غير اطبوعك وحالك
وسبحان من خلا فوادي يعاديه
تدرين وش يعني أذا القلب جالك !
يعني عشانك كل شيً اخليه
هذا الجواب اللي كتبت لسؤالك
مبطي يوم ان الحب يسوا معانيه
مبطي يوم ان القلب يعشق جمالك
يومه عمى ماشاف كثرة مساويه
واليوم عيني ما تواطن خيالك
لان الغرور بداخلك مرتع ٍ فيه
خلاص ابرحل عن سماك ومجالك
نجمٍٍ افل من كوكبك لاتناديه
عافك عقب ماكان يعشق خصالك
عافك مدام انك بديتي وعفتيه
تدرين وش يعني اذا الليل حالك !
يعني صروح الحب بيدك هدمتيه
الشاعر الحزين
